Navoiy VPKQTMO institutida 2013-yil 26-aprel kuni Muhammad Yusuf tavalludining 59 yilligi munosabati bilan o‘tkazilgan “Jannatda she’r yozsin Muhammad Yusuf ” mavzusidagi adabiy-badiiy kecha bo‘lib o‘tdi. Bu adabiy-badiiy kechaga Navoiy viloyati xotin-qizlar qo‘mitasi raisi A.Bobomurodova, Navoiy davlat pedagogika instituti filologiya fanlari nomzodi, dotsent A.Xolmurodov, Ta’lim–fan madaniyat xodimlari kasaba uyushmasi Karmana tumani kengashi raisi Ulug‘bek Yusupovich Musayevlar taklif qilindi.
Tadbirda o‘zbek xalqining ardoqli shoiri, she’riyat osmonida yo‘lchi yulduz bo‘lib porlagan, o‘z elini, xalqi, vatanining chin farzandiday, beg'araz sidqidildan sevib, ardoqlagan shoir Muhammad Yusuf she’rlari, she’rlariga bastalangan qo‘shiqlari, sahna ko‘rinishlari va turli raqslar ijro etildi. Bu kecha Axborot resurs markazi va Ona tili va adabiyot kafedrasi hamkorligida o‘tkazildi.
Tadbirda faol ishtirok etgan barcha kurs tinglovchilari institutimiz tomonidan “Faxriy yorliq ” bilan taqdirlandilar.